KitKat-Ginger Ale

Ginger Ale, 其實印象中也不太記得是什麼味道. 好似甜甜o地帶有薑味的汽水吧.
呢個KitKat設計的確有點新鮮感, 之前的Apple Vinegar 都沒有像這個Ginger Ale盒面充滿汽水, 有透心涼的感覺.
綠色加黑色有點綠寶石feel. 味道方面, 聞落有好小小的薑味, 甜甜的白色朱古力加上醒神的檸檬酸味,都幾突出. 反而食完後重有d檸檬酸味. 奇怪....薑味呢???

KitKat-小豆糯米糍

呢款好似擂沙湯丸o既Kitkat, 其實係小豆糯米糍, 外面係豆粉(唔係擂沙湯丸o既花生碎). 餡料係紅豆加糯米. 同平時o的小豆KitKat唔同, 佢係用平時o既朱古力. 夾心先係小豆加一o的in韌o既野, 應該係糯米片. 唔講仲以為整得咁差.....
當然紅豆味不及以前用紅豆味朱古力咁香, 不過用番正常朱古力配小小紅豆, 無咁甜. 唔算好有特色,但係都算不錯.

KitKat-充實野菜

充實野菜, 一個日本常見的產品, 係"伊藤園- ITOEN"出o既果汁系列,應該係"野菜飲料". 一種標榜有各式嚴選野菜混合而成，又有營養又有食物纖維O既飲料. 有隻仲話飲一樽足夠一日o既蔬菜份量. 不過據了解好似幾難飲, 蔬菜汁又紅又綠, 唔慣o既人都唔係好受得.
呢隻Kitkat, 盒面包裝依足一貫充實野菜Style, 仲講明係"伊藤園"監修. 蔬菜+朱古力....點撈埋一齊
係白朱古力, 威化餅+濃縮充實野菜餡料 - 料就多到不得了
- Apple (蘋果)
- Carrot (紅蘿蔔)
- Grape (葡萄)
- Lemon (檸檬)
- Celery (西芹)
- Paprika (紅辣椒)
- Asparagus (露筍)
- Chinese Cabbage (黃芽白)
- Ashitaba Leaf (明日葉)
- Kale (羽衣甘藍菜)
- Komatsuna Leaf (小松菜葉)
- Parsley (洋芫荽/荷蘭芹)
- Watercress (西洋菜)
- Cabbage (捲心菜/椰菜)
- Radish (蘿蔔)
- Spinach (波菜)
- Mitsuba Leaf (三葉草/車軸草)
同充實野菜飲品一樣, 好有蔬菜味, 我諗主要係紅蘿蔔同西芹. 不過咪話要食得出咁多種蔬菜, 比哂個名我都唔知係 mud. 其實味道麻麻..

KitKat-Orange

呢個係香港出品吧了, 盒面設計實在麻麻. 不過作為Kitkat盒收藏, 一定要擁有同試一試. Orange 加上英國旗, 我不禁想起Jacob朱古力橙餅....Jacob好好食, 人人爭住食. 雖然樣子老套, 我都要試一下..

諗住開o黎食先至發現個盒跟以前不同, 唔係黐實的. 係可以開合的. 內裡的朱古力包裝又同以前膠袋密實包裝唔同, 係用錫箔紙加上裝飾紙條, 甚有懷舊feel. 打開一試, 都好有橙味. 不錯, 值得一試

KitKat-梅Soda

今日經過日式零食店, 又見到好多不同袋裝mini KitKat. 有布丁, 波子汽水, 檸檬醋,...等等. 即時搜索下, 果然有新KitKat盒 - 梅 Soda. 盒面杯飲品有d似香港d鹹柑桔七喜. 我心諗呢個味道都會好似.

淡綠色的朱古力依然好甜, 不過裡面d夾心又真係幾酸. 但係Soda 呢?? 仲以為d夾心會好似可樂糖o甘有d飲汽水o既感覺... 失望

KitKat-JFA Dream Asia Project

JFA - 日本足協 - 同KitKat又有o的o羊新攪作? 因為Nestle 係其中一家"JFA Dream Asia Project"支援企業. JFA Dream Asia Project 係一個積極支持亞洲各國培養足球人材,從而推動亞洲足球的事業發展.
呢個KitKat用上體育作招徠, 究竟係用什麼味道. 答案係運動場合多數會出現的所謂快速補充水份的電解質飲品口味. 事實上, 我以前都幾鍾意飲呢d電解質飲品, 能否快速補充水份就唔知., 不過都幾好味. 有d似西柚味同好甜. 今日估唔到可以o係Kitkat身上重溫呢種味道, 一打開個袋, 那種味道已經撲出來, 都造得幾似.

KitKat-Apple Vinegar

KitKat 出品越來越無奇不有，今次竟然用酸的Apple Vinegar. 睇盒面仲以為係Apple Juice. 不過用上橙紅色及一杯冰凍的萍果醋, 都幾吸引.
酸的KitKat朱古力會係點樣? 其實係白色朱古力, 打開有點酸的氣味, 不過都係甜的.

KitKat-心意Lemon Chocolate

呢個同上次音樂CrossOver Kitkat差不多, 都係可以從中間開的. 上次係Music download 2D barcode, 今次係比你留Message. 拿走一條朱古力, 搣開封條就見到比你留Message既空間, 填上Message再摺合好,就變成一個裡面包含心意Message既一條裝Kitkat.
一條自己食, 另一條連上心意KitKat盒送比人, 都幾有意思. 盒面鋪滿心心可見呢份心意幾重.
不過用上檸檬朱古力有d奇怪, 算唔算比檸檬對方食?

Singapore-Lightning

基本上新加坡每天的天氣報告都係雷暴, 事實上一年大部份日子都係每天必然有驟雨, 亦有不少係打八號風球般的狂風大雨夾雜雷暴. 這些暴雨多數只維持數小時, 所以都沒有什麼紅色或黑色暴雨警告, 通常好快雨過天青. 近幾天多數是深夜大雷雨, 打雷打得好像天跌下來一樣, 攪得睡也睡得不安寧.
有次真的被它吵醒了, 心血來潮掀開窗簾一下外邊的滂沱大雨. 外頭除了靠近的幾座樓宇及街燈外, 幾乎什麼也看不清, 只有雷聲及不停閃電的天空. 稍等一會, 雨勢減少, 天色清了一點但仍不停打雷, 立即拿起相機拍下這打雷的情景.

KitKat-春限定-Nestle CrossOver

上次果個係Music CrossOver, 今次Nestle推出春限定自家CrossOver, Kitkat+NesCafe. KitKat常常跟咖啡同茶推出不少產品, 多數係朱古力混入咖啡或茶味, 又或者係咖啡或茶o既夾心威化餅.
今次非常新鮮, 用KitKat士多啤梨夾心朱古力威化配不同款的HomeCafe飲品沖劑, 好似平時飲咖啡加曲奇一樣.
HomeCafe 系列有八款,
Caffe Latte, Darjeeling Tea Latte, Cappaccino, 黑糖抹茶,
BerryBerry Latte, Rose Tea Latte, Oranges Caramel Latte, Mocha Latte
呢個Packing兩盒(一個TeaPacking, 一個Coffee Packing) 共有5款, 其中一款係新的 Apple & Cinnamon Tea Latte. 一份飲品跟一塊朱古力, 包裝十分吸引. 好想立刻試試

KitKat-Breaktown

大家都知KitKat 口號 - "Have a Break, have a KitKat". 今次真的give you a break. 同音樂Crossover, 推出breaktown LABEL 歌曲.

櫻桃味朱古力配上EXILE 樂隊歌曲 (由 Jin Nakamura 作曲) , 實行食KitKat 有歌聽.
呢個KitKat盒係從後面搣開, 裡面有個2D BarCode, 可以有其中一首歌download (可能有3首添)... 呢個KitKat盒係我儲開果種Size之餘, 仲係第一個打[棟]企的
http://www.breaktown.com/label/index

KitKat-Expresso

KitKat 以前都有不少咖啡味o既出品, Cafe Latte 同Cappuccino, 今次係Expresso Coffee. 盒面底色用上閃亮的銅色, 加上橫放的一塊黑色皮, 實在有格調.
一杯香濃咖啡放在旁, 令人對這個Expresso Kitkat 有點期望. 但留意一下, 朱古力不是深啡色的, 而是淡白色. 打開後並沒有咖啡味, 原來係白朱古力配有濃咖啡味的夾心餅, 要食落先能感受到那咖啡味. 有點被騙的感覺.. 不過盒面設計是不錯的

KitKat-Cookies (全麥)

上次一個KitKat 混類似Oreo朱古力曲奇, 估唔到再接再厲, 黎一個都幾時興o既全麥曲奇.
可能因為KitKat都係朱古力威化餅o既關係, 同朱古力曲奇o既味道差不多, 所以唔係咁特別. 今次上層夾心全加入了全麥曲奇, 比重較多, 口感跟威化餅不同, 鬆脆得嚟又幾特出, 同埋d朱古力幾夾, Good!!

KitKat-Post Box

哈哈, 呢個櫻花KitKat唔係普通收集既KitKat. 係比較大的KitKat PostBox. 好似postcard咁, 一邊寫上訊息, 另一邊寫上地址, 貼上郵票就可以寄出.
可以讓你的朋友欣賞到櫻花又可以品嚐到櫻花kitkat, 都是一個新奇的選擇. 不果肯定壓扁.

Kitkat-Others(江戶風味)

KitKat再一個東京限定-江戶風味, 真係唔知佢係什麼味道. 盒內有描述江戶時代的釀造技術.
聞落同食落都有d咸咸地, 可能係用o左麵豉.
等我試多幾包話你知有什麼成份....食落都幾好味...

哈哈, 其實係豉油味. 真係想唔到豉油同朱古力可以走埋一齊.

KitKat-White

KitKat White 系列, 記得以往有 那須牛 、 加拿大楓樹蜜糖 及 兩款北海道牛乳, 都是有特別主題. 今次係 Simply 得個 White字. 我諗Nestle想用此作Regular產品, 有原味KitKat, Dark KitKat 同 White KitKat. 一如以往White Kitkat, 甜同有奶香. 不過今次夾有少少普通朱古力夾心, 所以有丁點朱古力味.
雖然我個人不太喜歡白朱古力, 不過多一款Regular產品, 適合不同人士口味亦不錯.

p.s. 今日經過日式零食店, 見到一個好Plain既米白色kitkat. 相信可能係以後o既Regular White Kitkat...遲下係香港發掘下.

KitKat from Friend

朋友今年到了日本賞櫻花 (真羨慕), 從日本帶回來的不少Kit Kat, 陣容鼎盛. 雖然有些不是我慣常收集的KitKat size, 不過各有特色. 遲一些為大家介紹一下.

相信今次花了她不少心機同購物空間, 特此鳴謝.

KitKat-茉莉花茶

這個茉莉花茶在香港有售, 同時又有位朋友買了. Thank you. 盒面設計一看就春意盎然, 一片輕鬆嘆茶的感覺.
從表面看來跟普通KitKat沒有兩樣, 茶香不是很濃. 食落真的要慢慢嗒先feel到茉莉花茶味.
真的, 生活有不少東西要慢一點, 才可以感受得到

半圓形彩虹

今日新加坡下午落左一場大雨, 在 5時多既時間左右, 唔覺意望出窗外, 竟然發現一條彩虹, 仲要係一條完整既半圓形彩虹, 無野遮擋既彩虹, 呢次都算係第一次現場見! 只可惜我地既相機鏡頭唔夠闊, 影唔哂, 唯有影video啦! 不過已是近黃昏, 陽光不足, 彩虹色彩唔得明顯.

KitKat-士多啤梨, 大學芋

一年一度, 又到 KitKat 期間限定 - 櫻花及士多啤梨. 士多啤梨係加奶味, 其實同以前的士多啤梨味差唔多. 不過個盒同以前唔同, 係用白色為主.

不過櫻花味有d突破, 用上大學芋(蕃薯). 用紫紅色盒十分搶眼. 盒面不是平滑, 而是有點質感 (像絨面相片一樣). 頗特別.

Kitkat-Cheese Cake

這個是我弟弟買給我的士多啤梨Cheese Cake味.一個有少少拱形長盒內有5本入o既Cheese Cake 味道朱古力配上士多啤梨味夾心. 番到新加坡,係Isetan發現有另一款Blueberry味道

KitKat-Others

再介紹一下其他非my collection box size o既KitKat

	好明顯係一種同Oreo差不多味o既KitKat...味道無驚喜
	大盒裝濃奶味Kitkat. 東京限定-其實東京有什麼好牛奶我就唔知.不過呢盒的質素是挺好的
	Cheese Cake 味道, 呢個係紀念橫濱港口開港150週年.

KitKat-林檎蘋果

雖然不是"期間限定", 不過都應該算係. 因為呢個係為岩手同宮城兩個地震災區的震災復興應援版.
盒面的一團光, 真的有點光復的意味
[林檎]本身就中國古代蘋果的名稱, 所以有說這個名稱是日本從漢名轉化而來.
不管這個KitKat蘋果味道是否很好, 單係震災這概念足夠引你購買. :P

KitKat-紅豆湯圓

今次又係紅豆, 不過加o左湯圓. 個盒設計就普普通通, 只有一個好Classic既日本紅豆湯+湯圓甜品. 上面寫著由井村屋製菓株式会社監俢, 好似好有來頭.

KitKat用紅豆夾心, 朱古力表層滲有少少白色的類似湯圓的煙韌物體. 不過食落唔係好覺係湯圓

比起上次伊藤久右衛門抹茶, 今次井村屋名氣就無o甘大, 亦不是只有紅豆產品, 所以沒有冠以"期間限定". 不過井村屋也出產不少紅豆湯, 紅豆飯, 紅豆菓子等產品, 都算專家吧.