KitKat-MerryChristmas

估唔到o甘快就有新Kitkat, Ho..Ho..Ho, It's Christmas time. 呢個係o係新加坡見到的, 當然唔係盒裝. 不過比平時o係新加坡唔同color唔同味道o既包裝, 呢個包裝非常吸引. 好有聖誕氣氛又好cute.

價錢也沒看就立即買下, 原來係新加坡Cold Storage引進o既瑞士雀巢公司授權美國Hershey朱古力製造Kitkat聖誕版.






封面見到兩個聖誕老人, 一個戴黑超o既, 都十分可愛. 封面已提示該兩個聖誕老人會印o係朱古力上面. 不過多o左句...Which one will you unwrap? 字有玄機.


o黑o黑!! 一開之下, 果然唔係預期o既聖誕老人, 係佢隻鹿咋. 有一隻係E起棚牙戴黑超. 唔通真係要買多幾個先會遇到聖誕老人? 除o左鹿同聖誕老人, 會唔會仲有其他. o甘都有D吸引力叫你去買多個.
味道方面, 用上Hershey朱古力實質上沒有很大分別, 不過心理上感覺朱古力份量足d.

曼聯茶几

今日放工悶悶不樂, 可能工作上真係搵唔到d令人振奮o既嘢. 點知番到屋企, 見到一樣令人眼前一亮o既嘢....呢個就係自製曼聯茶几.

呢個idea係啱啱搬完屋諗起, 見到o甘多用完紙箱, 見間屋吉吉o地, 不如用d紙箱加埋d足球雜誌做成茶几.

點知老婆好快付諸行動, 曼聯茶几立現眼前, 仲十分有型有格tim. 個茶几每面都悉心設計, 見到佢, 睇波都令人興奮d. 真係抵錫.
你睇...一個平平無奇o既紙箱, 搖身一變, 成為美觀又實用o既茶几

KitKat-France Nouvelle Recette

歐遊踏足法國, 盒裝KitKat當然有特別留意, 不過沒有收穫. 偶爾在Metro站內的販賣機見到一款包裝特別的膠袋裝KitKat, 不是一般見到的紅色封面. 係藍色的, 有個KitKat星球加上穿梭機. 即刻奉上個幾歐羅買番包.


原來是法國KitKat為了推廣其全新KitKat製法 (Nouvelle Recette), 而推出的包裝. 除止之外, 仲有一個new site, 廣告, 遊戲.... 可以贏得一次太空旅遊 (唔知堅定流).

大家不妨去個site睇下.. (http://www.kitkat.fr/)
個廣告都幾得意, see see

至於個KitKat就同平時差不多, 比較脆, 唔知同Nouvelle Recette有無關. 又或者係新鮮?

KitKat-Caramel Macchiato

Kitkat, McFLURRY + Caramel Macchiato - 會變成點....
KitKat 係朱古力威化餅
McFLURRY 係 Vanilla 雪糕新地 + smarties/Oreo 攪埋一杯
Caramel Macchiato 係一杯小小的咖啡, vanilla cream foam+caramel+expresso (starbuck有售)

唔知係咪McDonalds會出一款Caramel Macchiato o既 McFLURRY, 所以搵KitKat出一款同味道產品.
個盒好得意, 封面除o左McFLURRY外, 只有封底才有麥當勞標誌, 好低調.
食落真的有點Caramel Macchiato 味道, 不過偏近了Vanilla 味, 小了點咖啡味. 果然係McFLURRY, 主要係Vanilla 雪糕新地, 配料味道少D.

KitKat-Muscat of Alexandria

呢果KitKat給我耳目一新的感覺, 青提子真是少有的朱古力題材, 因為一般人都會覺得青提子比較酸, 跟甜的朱古力可能格格不入.
有上次抹茶查證經驗, 今次都想知道這個材料是什麼?
Muscat of Alexandria - 原來是一種用來造白酒的提子. 有酒專家相信它是現存沒有改變的最古老提子品種之一. 最重要的日是這種青提子是偏甜的. Good.

封面的提子相當飽滿, 令我都想立即去買梳提子食.
內裡包裝都是綠色的 (有點像抹茶), 但有淡淡提子香味, 尚算Okay
值得一提, 今次Kitkat 將營養熱量印係盒面, 唔知係o米日本新要求. 不過都幾方便, 唔駛反轉個盒都可以知道有幾多Calories.

KitKat-燒粟米

係一個禮盒裝, 朋友從日本帶回來.  北海道牛油燒粟米 - 一個平時燒烤都有食嘅野轉成KitKat 又變成點.  我覺得又係失敗之作, 白色朱古力加上粟米湯味, 仲係甜嘅.
鹹嘅即飲粟米湯可以接受, 甜嘅我就麻麻.

不過個盒面的確唔錯,  有粟一燒嘅feel.   睇見又幾吸引.

Kitkat-伊藤久右衛門-宇治抹茶

哈哈, 又係"抹茶", 如果大家有睇我個Blog都會發現Kitkat 有不少"抹茶"出品. 淨係我都有三款. 真的要查證一下. 原來每次KitKat"抹茶"出品都係期間限定. 因為係跟唔同o既抹茶店合作的.
今次係 - 京都 伊藤久右衛門 ....個名好似好厲害. 仲有個 Site (http://www.itohkyuemon.co.jp/)

原來在宇治有兩家比較著名的百年茶店，一家名為中村藤吉，另一家就是伊藤久右衛門, 現在是八代目. 連京都許多神社寺廟都使用他們家的抹茶. 他們家有各式各樣的抹茶產品. 不少人到京都宇治都要到這家宇治的伊藤久右衛門本店朝聖. 唔信, 到她的網址看一下, 產品真的好吸引, 仲有海外訂購.

講番呢個KitKat, 經查證後, 真的要好好品嘗.....突然覺得抹茶味Kitkat十分好味..非一般Dark Choc 或 White Choco......正

KitKat-大納言

睇個名同個封面, 真係唔知係mud味道...不過好有日本feel. 英文譯名-"Dainagon Azuki", 我諗會同紅豆有關.
一開之下, 果然係白色朱古力入面滲出紅豆絲. 一啖咬落去, 幾甜同好香奶味, 好些少o既紅豆味...
真係唔知o羊野叫"大納言"

P.S.: 真係好感激Allen, 我人在新加坡, 她都記得小弟鍾意Kitkat, 重幫我係香港搜羅. 講真新加坡幾家買日本小食的店舖都無呢d KitKat 買. 真係掛住"祥華", Thank you Allen

新加坡美食 - 叻沙

牛車水 - 春記

新加坡賣叻沙既舖頭多不勝數, 每個hawker centre / food court 都一定有，每間都有自己既特色, 出名如328加東叻沙當然有不少人捧場, 不過我就比較喜歡牛車水People’s Park Food Centre裏面間春記, 因為我鍾意比較少d椰汁味既叻沙, 相信佢既湯底用左雞骨, 蝦殼, 蝦米, 薯仔黎煲, 雖然少椰漿, 但係有薯仔, 所以湯底都唔會好稀, 而且仲會健康d.

佢既螄蚶非常新鮮鮮味，叻沙雖然無蝦但係有白切雞, d 雞浸左落鮮味既湯底到, 好味過食蝦. 正常一碗賣4蚊, 如果真係好鍾意食螄蚶, 建議可以考慮加1蚊螄蚶, 甘就暢快得多!

新鮮既螄蚶真係好特別, 好好味! 雖然size 同日本既赤貝有好大分別, 但係價錢就平過日本既赤貝好多, 不過就一樣甘好味!

春記

People's Park Food Centre

Upper Cross Street

China Town

新加坡美食 - 咖央多士 Kaya Toast

亞坤咖央多士 Ya Kun Kaya Toast

去新加坡, 梗係唔可以唔食咖央多士, 要數又好味又出名既當然係亞坤啦, 聽講佢地已經有80年歷史，佢既多士非常脆, 非常好味。另外, 佢既半熟雞蛋, 都好多人捧場, 佢既咖啡都好值得試.



要食佢一d都唔難, 因為佢既分店多得很，如果真係揾唔到或係無時間食, 去到機場都仲有最後機會, 係新加坡機場T2同T3都有.

呢個係佢地網址 : http://www.yakun.com/

新加坡美食 - Hokkien Mee

Food Republic - 福建炒蝦麵福建炒蝦麵對於新加坡人來說，一點都不陌生，每個Food Court或Hawker Centre都有，但在香港，我就未見過，有些星馬餐廳的福建麵，是用黑豉油炒的，同新加坡的完全是另一件事。新加坡的福建炒蝦麵是用大量蝦上湯去煮，蝦味濃郁，坦白講，麵是主角，蝦只是配角。
新加坡有很多出名的福建炒蝦麵，個人最喜愛的算是Food Republic 蝦麵，可能因為是大製作，一次炒很多碟，比起一次炒一碟的，放多很多蝦上湯，所以蝦味特別豐富，如果吃得辣，一定要加他們的辣椒醬，好吃到停不了口。
福建炒蝦麵 SGD4/6/8

Food Republic
- Level 4, Wisma Atria, Orchard Road
- Level 1, Suntec City Mall, Raffles Boulevard
- Level 3, Vivo City, HarbourFront Walk

新加坡美食 - Ya Kwang Dai Pai Dong

亞光大排檔
一個新加坡醫生的美食blog內 (http://ieatishootipost.sg/)，不止一次的介紹亞光大排檔，覺得認該要試一試，果然有驚喜，蟹米粉，鮮味到不得了，鮮蜆麵和炒粿條(河粉)都好好味，sambal炒魷魚好新鮮和惹味，炸雞翼都不能錯過。 另一驚喜係價錢一點都不貴，以上的美食加埋炒牛柳，窩貼，鹵水豬肉撈麵同埋汽水都只係SGD109，簡直超抵。

蟹米粉 (Crab Bee Hoon)

鮮蜆麵 (Clam Noodles)

炒粿條 (Penang Style Char Kway Teow)

sambal炒魷魚炸雞翼 (Mild Curry Fried Chicken Wings) x 2

鹵水豬肉撈麵

Ya Kwang Dai Pai Dong

709 Geylang Road (Lor 37)

Tel: 98170006

11am to 11pm

新加坡美食 - No Signboard Seafood

無招牌海鮮招牌菜係白胡椒蟹，而辣椒蟹及甘香蝦婆 (curry crayfish)都好得 ，一定要試。食不到辣的，記得叫小辣。星洲炒米都唔錯，雖然同香港的有分別，完全無咖哩味同埋唔辣，不過炒得好好。

無招牌有5間分店，我們每次都係去Geylang分店，有個肥哥哥負責打理同揀蟹，好好人的。
白胡椒蟹 SGD38/kg
辣椒蟹 SGD38/kg
甘香蝦婆 (curry crayfish) SGD60/kg

星洲炒米 SGD5/8/12

No. 414 Geylang (Lor 24)
Singapore
Tel: 6842 3415
12pm to 1am

http://www.nosignboardseafood.com/

新加坡美食 - Tian Tian Hainanese Chicken Rice

天天海南雞飯

非常出色及出名的海南雞飯，個人認為油飯係吃過最好的，雞和辣椒醬都很唔錯。價錢超平宜，雞脾飯只需要SGD3.5，不過Maxwell Food Centre 係無冷氣的，怕熱的人就比較辛苦.

Maxwell Food Centre (China Town)

Stall 10
Singapore
11am to 8pm
Monday Closed

KitKat-Black

又一個香港出產的KitKat - Black. 跟以前的Cocao口味差不多.
可惜包裝盒跟上次港產 Cappuccino一樣差勁... 唉!
看起來沒有日本設計的那麼吸引.

Japan-2008@病院

今次去日本最特別之處是 - 我病了. 不知是否行路太多, 本來膝蓋不舒服的左腿, 竟然由膝蓋以下全腿發腫. 最後終於要請教酒店介紹醫院. 我們不敢隨便找診所看, 因為怕溝通唔到. 我們今次入住的酒店是新宿京王酒店, 經理除了介紹附近的春山外科病院外, 還主動陪我們去看病, 好感動呀!
那位鈴木醫生會說些少英語, 也十分有心機, 可惜情況嚴重. 回港後仍然要立即住院留醫.

不過都很感激京王酒店經理 - 寄持隆 先生, 帶埋"快譯通"同行, 如果不是有他，就麻煩喇，因為護士同我們講日文，我們都不知她想我們做什麼, 而且 寄持隆 先生也很關心的問我是不是痛風, 要小心飲食. 不知是不是每間5星級酒店都有呢種服務呢？
這次看病的得著是知道我的日本名稱是 - チユウ チユン チヨン

Japan-2008@川越(1)

再轉乘巴士很快便可到達.上次說了東京大雪, 今次說一些川越行程. 川越是一個距離東京的地方, 由新宿坐地鐵大約30分鐘,

她是一個寧靜的城市, 窄窄的行人路, 夾雜不少古舊的建築物, 有著一點小鎮感覺.

Japan-2008@川越(2)

川越附近也有著一些景點 - 鐘樓, 菓子橫丁, 神社..... 雖然不是十分有名的境點. 但作為繁忙東京附近的另類行程, 也可以一到

這裡還有不少用栗子, 芋頭及蕃薯造的小食. 琳瑯滿目, 每一間都試試的話, 可能會飽到不得了. 好在有友人同行share, 可以嘗試多一點款式. 有些都很好吃, 不過甜一些.