KitKat - Cookie n Cream

係新加坡超市見到呢個袋裝KitKat - Cookie and Cream, 本來無打算買, 不過見佢個造型幾特別, 係 2 tones. 有D似 Oreo.

 外面上層係Cookie & Cream (真係好似Cookie n Cream 嘅雪糕), 下層係朱古力.   入面係朱古力威化.

Idea 有D似 2007 年嘅" Cookie and Milk",  不過唔係全白朱古力, 有進步. 入面朱古力威化加強朱古力味, 幾好味. 似Cookie and Cream.   讚!!

KitKat-紅豆三文治

呢個紅豆三文治係o係新加坡買的-"東海.北陸"限定. 紅豆KitKat就見得多, 紅豆三文治第一次見.  唔通真係當地特有食法, 用紅豆餡做三文治. 仲烘底添.

睇個盒同內文, 好似係嘆茶佳品.   同 "KitKat - 北海道小豆" 差唔多, 一樣有強烈紅豆香味, 食落一樣有強烈紅豆香味.... Hmm .... 三文治呢?   不過真係好味, 配紅茶品錯.

KitKat-田丸屋Wasabi

大阪的另一個發現係呢靜岡.關東嘅Wasabi Kitkat, o係關西買關東土產...好似有d 奇怪

早前公司同事帶咗一個外國品牌嘅Wasabi Chocolate.  牛奶朱古力隱約有wasabi 香味. 口味唔大.

呢個田丸屋本店Wasabi 又有D 咩特別? (http://www.tamaruya.co.jp/)

據說 1751-1763 年, 日本小販設計了拌入切碎的Wasabi加入酒糟醃製的漬物, 大行其道. 名為『わさび漬』 - Wasabi漬物. 田丸屋本店創業於明治8年 (1875), 由於對於山葵的香氣、風味及新鮮度都很要求而聞名. 1889年更聞名全國, 而且獲得靜岡車站內的Wasabi漬物銷售權. 更有包裝好的Wasabi 漬物從火車窗口出售給旅客, 殊不簡單. 已過百年, 田丸屋依然堅持選用日本靜岡縣產的山葵 - 生長於純淨、天然、無污染的山間溪谷, Organic Grow. 平均需要11-18個月的栽種期，培育出的山葵味道清香、口感嗆辣。 現在已經成長為全國頂級品牌.

憑佢Wasabi 嘅盛名, 一度衝出日本, 在泰國曼谷Central World Plaza 開設食市 (http://tamaruya.co.th/index_EN.php) 以聞名嘅Wasabi Sauce 仍招徠.   唔知仲係咪健在?

味道方面, 跟上述嘅外國品牌不同, 係淺綠色 (類似白朱古力). 初時有d 不太喜歡, 但係食落Wasabi漸出, 好有Wasabi feel.  不過唔辣唔嗆喉.  Ok 喎.

KitKat - 草莓及抹茶

係大阪發現嘅, 跟2013年買到嘅草莓及抹茶 , 除咗包裝外. 根本無分別.

唯一分別係內裡包裝紙有YouTube crossover.

真無唔知佢地幾時先回復番以前D創意.

KitKat - 神戶布丁

上年去神戶都有食個魔法壺布丁及芝士蛋糕, 確係幾香甜

當然有多款口味的布丁手信

今次朋友帶來了Kitkat 神戶布丁. 唔係期間限定, 而係數量限定.  好似好珍貴.  多謝哂!

味道方面好有布丁香味, 食落幾甜有d 焦糖味, 有食布丁feel.

KitKat - Feuillantine

朋友送上的KitKat - Feuillantine.  究竟係乜?  Feuillantine應該係法式一層一層卷起來的糕點, 來自法國La Feuillee烹調方式.  點先算Feuillantine, 可以上網找找.  不過盒面已提供一個Sample, 就係多層香脆可口的薄脆.  香港都有一款Gavottes 金樂絲薄脆...

講番個KitKat, 並唔係我嘅collections size, 又唔係禮盒裝or  Message Box. 裡面D KitKat都好Cutie. 有D矜貴感覺.  用比較Dark  Chocolate, 法式薄脆帶輕微酒味 - 好味!!

KitKat - 北海道小豆

同事去日本旅行, 帶回來的 北海道小豆 KitKat.  一心以為又係返炒多年前舊版的北海道小豆.  新版呢一個盒面設計比較之前的好看.  漸變粉紅色及棗紅色配有冬日雪花, 再有一碗紅豆湯,有點冬日溫暖的感覺.

最特別的是朱古力唔係白朱古力+紅豆味, 係用番牛奶朱古力, 夾心有強烈的紅豆氣味.  我覺得咁先至係KitKat 朱古力.  味道不錯 

KitKat - 布丁味 (可焗)

呢個係姨甥從日本帶回來的, 係一個新嘗試, 真係期待咗KitKat D 新o野好耐.  呢個可以焗嘅KitKat係布丁味.

老實講, 未焗嘅kitkat 無乜特別, 連少少白朱古力味都無.得個甜字.

焗完之後, 有少少熔同燒焦效果. 幾特別.  食落係有D脆. 有點似燒脆咗嘅砂糖.   可能就係呢d 大量嘅砂糖令佢可以焦糖化,有焗布丁嘅效果 (外表only)

KitKat- Tokyo Rum Raisin

新一個得KitKat 禮盒裝不得了, 係帶有微酒精(0.056%)的Tokyo Rum Raisin (Rum酒浸泡過的葡萄乾), 可算係大膽嘗試.

盒面用多色提子背景及用莖繪出Tokyo字樣, 設計簡單得黎有心思.  白色朱古力, 提子乾加Rum酒, 有D似紅酒加芝士feel,  格調十足.

因為含酒精成份, 所以要有警告字樣. 唔啱小朋友食嘅KitKat算係第一次.