KitKat - 草莓及抹茶

係大阪發現嘅, 跟2013年買到嘅草莓及抹茶 , 除咗包裝外. 根本無分別.

唯一分別係內裡包裝紙有YouTube crossover.

真無唔知佢地幾時先回復番以前D創意.

KitKat - 神戶布丁

上年去神戶都有食個魔法壺布丁及芝士蛋糕, 確係幾香甜

當然有多款口味的布丁手信

今次朋友帶來了Kitkat 神戶布丁. 唔係期間限定, 而係數量限定.  好似好珍貴.  多謝哂!

味道方面好有布丁香味, 食落幾甜有d 焦糖味, 有食布丁feel.

KitKat - Feuillantine

朋友送上的KitKat - Feuillantine.  究竟係乜?  Feuillantine應該係法式一層一層卷起來的糕點, 來自法國La Feuillee烹調方式.  點先算Feuillantine, 可以上網找找.  不過盒面已提供一個Sample, 就係多層香脆可口的薄脆.  香港都有一款Gavottes 金樂絲薄脆...

講番個KitKat, 並唔係我嘅collections size, 又唔係禮盒裝or  Message Box. 裡面D KitKat都好Cutie. 有D矜貴感覺.  用比較Dark  Chocolate, 法式薄脆帶輕微酒味 - 好味!!

KitKat - 北海道小豆

同事去日本旅行, 帶回來的 北海道小豆 KitKat.  一心以為又係返炒多年前舊版的北海道小豆.  新版呢一個盒面設計比較之前的好看.  漸變粉紅色及棗紅色配有冬日雪花, 再有一碗紅豆湯,有點冬日溫暖的感覺.

最特別的是朱古力唔係白朱古力+紅豆味, 係用番牛奶朱古力, 夾心有強烈的紅豆氣味.  我覺得咁先至係KitKat 朱古力.  味道不錯 

KitKat - 布丁味 (可焗)

呢個係姨甥從日本帶回來的, 係一個新嘗試, 真係期待咗KitKat D 新o野好耐.  呢個可以焗嘅KitKat係布丁味.

老實講, 未焗嘅kitkat 無乜特別, 連少少白朱古力味都無.得個甜字.

焗完之後, 有少少熔同燒焦效果. 幾特別.  食落係有D脆. 有點似燒脆咗嘅砂糖.   可能就係呢d 大量嘅砂糖令佢可以焦糖化,有焗布丁嘅效果 (外表only)

KitKat- Tokyo Rum Raisin

新一個得KitKat 禮盒裝不得了, 係帶有微酒精(0.056%)的Tokyo Rum Raisin (Rum酒浸泡過的葡萄乾), 可算係大膽嘗試.

盒面用多色提子背景及用莖繪出Tokyo字樣, 設計簡單得黎有心思.  白色朱古力, 提子乾加Rum酒, 有D似紅酒加芝士feel,  格調十足.

因為含酒精成份, 所以要有警告字樣. 唔啱小朋友食嘅KitKat算係第一次.

KitKat-唐辛子

朋友送上的KitKat信州限定禮盒..嘩..辣椒味, 一定好刺激.  封面的辣椒及辣椒粉說明一切. 不過它只不過是朱古力的配料, 應該唔會好強.
先講下個盒, 同以前D地區限定特產, 係當地一間著名同有歷史背境嘅店舖.  今次係江戶時代存在至今的-日本長野県長野市信州八幡屋礒五郎.

八幡屋礒五郎 o係江戶時代1736年善光寺大門町販賣唐辛子 (即辣椒) 至現在最著名的七味唐辛子.  七味粉相信大家o係各日本餐廳都見過,    老字號八幡屋礒五郎七味唐辛子嘅特點是用上生薑，刺鼻嘅香氣比同類產品嘅味道強烈.  七味指"七色" - 亦係七種素材混調出的味粉, 包括麻種、蕃椒、山椒、紫蘇、白薑、陳皮、胡麻.

 

來源: 八幡屋礒五郎

八幡屋礒五郎產品有 "根元" 同 "信州善光寺大門町"字樣.    現今已經有各式各樣不同口味(柚皮, 西山粉山椒, 金箔..) 的七味粉, 辣椒野菜等...可以至網站瀏覽 (http://www.yawataya.co.jp)

呢次Kitkat 用上係 "一味"即最基本的蕃椒. 包裝用上紅黃兩主色相當分明.  亦配合辣椒非單調紅色的本質.

味道方面要慢慢的品嚐, 太快的話, 你會覺得淨係得朱古力味, 辣椒要小心細味才能品嚐到, 好似七味粉一般都不會令你立刻感覺得辣, 而係慢慢滲出的.  有層次的KitKat產品.