KitKat-抹茶

從大阪回來, 只係到換包裝嘅番炒KitKat, 真係覺得可惜. 唔通真係技窮?!

突然係祥華見到一款新-抹茶KitKat, 正在認為係留炒之作, 見到盒有 之前 新版黑白kitKat 的 "ビスケット 練り込み" 字樣.   應該係用該材料混入製成Wafer.    

 打開食真係比以往KitKat味道比較香濃.
呢個系列好似叫"成人"版  大人先食得出個分別

KitKat-宇治抹茶

大阪便利店又一發現, 是新包裝的宇治抹茶.  同樣地跟2010年的宇治抹茶, 除了包裝, 味道完全沒有兩樣.... 唉..無idea  就唔好出, 無謂番炒嗎....

入面包裝袋都係簡單, 真係是是但但

KitKat-和莓, 櫻抹茶

終於到自己5月去日本大阪一遊, 一路也有留意便利店有無新KitKat collection box, 首先發現的是KitKat 已改用2011 推出的新盒裝 (見本文). 可惜口味是番炒舊款 2011和莓 和 2010櫻抹茶. 連內裡包裝袋都變得簡單沒趣, 味道更加無變化, 實在差勁兼無誠意.

KitKat-紫色蕃薯

依然沒有遇上Collections box size, 呢個朋友送上的沖繩 九州限定-紫心蕃薯味 Message Box, 外表相當出衆, 鮮紫色的Cream 配上頂頭的熱帶風景幾吸引.  可惜朱古力係淡粉紫色, 仲以為係深紫色, 有點失望.  不過 味道一點也不差, 雖然根以往一樣偏甜, 但保留到一點點蕃薯味. 讚!! (唔知點解嗒落有d紅豆味)

KitKat-Amaou 草莓

自從 311 後, KitKat Collection box size 都好少出.  除咗北海道夕張哈密瓜, 改頭換面的新盒裝 同埋標準每年必有嘅草莓.  記得番各款地區限定.  唔知係咪係哂idea.

今次都係每年上旬都有嘅草莓禮盒裝, 不過係九州限定. 唔繁行貨草莓, 係Amaou 草莓

Amaou 草莓算係草莓界嘅名品, 係冬天至春天出產. 特色係外形特別完美, 大粒.  大概有45g 重, 6.5cm 高, 直徑有6cm.   日本福崗市剛剛舉行 Amaou Strawberry Festa 2013, 慶祝開發及推出 10 周年.

味道方面同以前推出嘅草莓KitKat 差唔多, Amaou 草莓gimmick 多D.

KitKat-京都土產

今次朋友帶上3款京都土產KitKat 禮盒裝 (12 枚入), 當然包括2008年介紹過的伊藤久右衛門宇治抹茶, (伊藤久右衛門的威名不用多介紹). 因為上次期間限定大穫好評, 一於再登埸. 宇治抹茶不再重複介紹。　
反而呢個伊藤久右衛門的茶味KitKat就有D特別. 佢都係一種有名的宇治綠茶. 姑且叫它"千花茶".　以200C精心焙煎, 朱古力呈褐色，沒有茶香，可能係白朱古力混入綠茶.　不過食落有D茶味，　感覺不錯.



第3 款係聖護院八ッ橋 總本店(http://www.shogoin.co.jp/)的肉桂餅乾, . 聖護院創業於元祿二年, 即1689年.....嘩!! 3百多年歷史.
這種拱形肉桂餅乾 創始人是江戶時代的「八橋検校」- 筝曲演奏家, 作曲家. 對當時音樂有極大的供獻. 49歲搬到京都, 弟子眾多. 1685年去世, 正是Bach出生的年份, 他已為日本創作出不少音樂. 他去世後, 訪問者陸續不斷, 他的弟子在聖護院森林辦茶館, 發售琴形似的干菓子 - 即現在的肉桂餅乾.

至於KitKat本身係白色朱古力, 有D淡啡色點點, 食落有D肉桂味, 好特別, 味道不錯.

KitKat-抹茶Air in

早前吉百利出o左隻又係有氣嘅Cadbury Bubbly. 估唔到KitKat都會抄人出隻Air in. Cadbury就沒有什麼明目, 剩係朱古力打氣. KitKat就配合抹茶. 大家都知到日本抹茶一般都有泡, Kit Kat 希望Air in 能夠帶出抹茶的味道及口感.
朱古力設計也很特別, 上層係抹茶, 底層係MilkChocolate, 中間係威化夾心. 可能因為威化夾心, 吃起來沒有Cadbury Bubbly 那樣的鬆, Bubble/Air 的感覺也不強.